Izrailskija vajskoŭcy pačali ŭ čaćvier naziemnuju vajskovuju apieracyju ŭ siektary Haza. Rasparadžeńnie ab hetym addaŭ premjer-ministr Bińjamin Nietańjachu.
Ahienctva Reuters paviedamlaje sa spasyłkaj na vidavočcaŭ, što Izrail viadzie ahoń ź ciažkich artyleryjskich harmat, z vajskovych karabloŭ i viertalotaŭ. Armija Izrailu zajaviła, što hałoŭnaja meta novaha etapu apieracyi «Nieparušnaja skała», jakaja pačałasia 8 lipienia, — abaranić izrailcian i źniščyć abjekty bajevikoŭ hrupoŭki CHAMAS.
Raniej u čaćvier, jak tolki skončyłasia 5-hadzinnaje «humanitarnaje zamireńnie» pamiž Izrailem i bajevikami CHAMAS, izrailskaja terytoryja była znoŭ abstralanaja ź siektaru Haza.
Izrailskija vajskoŭcy paviedamili, što pa Izraili vypuščana ŭžo 1300 rakiet.
Pavodle paleścinskaha boku, achviarami izrailskich pavietranych udaraŭ stali 240 čałaviek, sotni paranienych. Pavodle dadzienych AAN, bolšaść ich — mirnyja žychary.
U čaćvier Izrail paviedamiŭ pra toje, što aficyjna pradjaŭlenyja abvinavačańni ŭ zabojstvie palestynskaha padletka.
Sudzić buduć troch habrejskich radykałaŭ — členaŭ adnoj siamji. Jany pryznali, što spalili chłopčyka žyŭcom u adkaz na zabojstva traich vykradzienych palestynskimi bajevikami izrailskich školnikaŭ.
Z hetych zabojstvaŭ i pačaŭsia ciapierašni vajenny kanflikt u rehijonie.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»28
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3030
Kamientary