Nalivajčanka: Zatrymanyja dvoje rasiejcaŭ, jakija, mahčyma, źbili małajzijski samalot
Kiraŭnik Słužby biaśpieki Ŭkrainy Valancin Nalivajčanka zajaviŭ, što małajzijski pasažyrski samalot byŭ źbity bajevikami DNR z zenitna-rakietnaj ustanoŭki «Buk-5M». Pra heta jon skazaŭ siońnia na bryfinhu, paviedamlaje LB.UA.
Pavodle jahonych słoŭ, zenitna-rakietny kompleks terarystam pastaviła Rasieja.
«14 lipienia źjaviłasia pieršaje paviedamleńnie, što ŭ terarystaŭ jość «Buk», ale paćvierdžańnia nie było. 17 lipienia, u dzień trahiedyi, pieradali bajevikam «Buk-5M» z ekipažam, pierapravili kala Suchadolsku z Rasiei», — adznačyŭ Nalivajčanka.
U toj ža dzień terarystam pierapravili z Rasiei try samachodnyja artyleryjskija ŭstanoŭki «Hvozdika».
Nalivajčanka paviedamiŭ pra zatrymańnie pamiežnikami i SBU dvuch hramadzianaŭ RF na miažy ŭ Danieckaj vobłaści.
«Abodva z rasiejskimi pašpartami, adzin navat z vajennym biletam, dzie paznačana «karekciroŭščyk ahniu»», — adznačyŭ jon.
Bondarava zachacieła dvuchmoŭja, jak u Finlandyi. My taksama za1
Kamientary