Bajeviki viaduć ahoń pa centry Łuhanska z RSZA BM-21 «Hrad», jakija raniej prybyli ŭ horad z boku Krasnadona. Heta zajaviŭ śpikier ATA Uładzisłaŭ Sielaźnioŭ.
Pavodle jaho infarmacyi, dla abstrełu mirnych hramadzian horada bajeviki vykarystoŭvajuć taksama minamiot, ustalavany na hruzavym aŭtamabili.
«Krynicy paviedamlajuć, što snarady paškodzili škołu, internat i inšyja budynki ŭ centry horada. Vidavočna, što ahoń viadziecca z metaj skampramietavać siły ATA», — adznačyŭ pradstaŭnik ATA.
U svaju čarhu, bajeviki vinavaciać va ŭžyvańni artyleryi ŭkrainskuju armiju. Pry hetym sami jany raźmiaščajuć svaje ahniavyja punkty ŭ hustanasielenych kvartałach horada, na dachach, što robiać žyłyja damy mišeniami.
Akramia taho, jon padkreśliŭ, što siły ATA nie ŭžyvać artyleryju i avijacyju ŭ Łuhansku i Daniecku, u inšych nasielenych punktach, u miescach, dzie znachodziacca mirnyja hramadzianie Ukrainy.
Razam z tym, pa źviestkach Łuhanskaha harsavieta, u horadzie adnavili enierhazabieśpiačeńnie. Jak paviedamili ŭ pres-słužbie harsavieta, u noč na 20 lipienia abłasny centr byŭ całkam adklučany ad enierhazabieśpiačeńnia, adklučeńnie nie było avaryjnym — spyniłasia padača elektraenierhii vierahodna sa Ščaścienskaj CES.
«Žyćciezabieśpiačeńnie abłasnoha centra było całkam paralizavanaje: adsutničała śviatło, vodazabieśpiačeńnie, nie pracavała mabilnaja suviaź. Lačebnyja ŭstanovy horada, u jakich na siońniašni dzień znachodzicca na stacyjanarnym lačeńni vialikaja kolkaść ludziej, jakija paciarpieli ŭ vyniku ŭzbrojenych sutyknieńniaŭ i abstrełaŭ horada, i inšyja abjekt abjekty sacyjalnaj infrastruktury — pradpryjemstvy, zavody, kramy, zapraŭki taksama byli adklučanyja ad enierhazabieśpiačeńnia», — havorycca ŭ paviedamleńni.
Pa stanie na 12:00 adnaviłasia padača elektraenierhii na horad. Pryčyny incydentu buduć vyśviatlacca.
Pa dadzienych vydańnia Uschodni varyjant, niekatoryja kvartały i vulicy Łuhanska pa stanie na ranicu zastavalisia biez elektra-i vodazabieśpiačeńnia z-za artyleryjskaha abstrełu.
«Abstreły horada pa-raniejšamu źjaŭlajecca hałoŭnaj pryčynaj paškodžańniaŭ i avaryjnych adklučeńniaŭ sistem žyćciezabieśpiačeńnia abłasnoha centra. Na ranicu 18 lipienia praktyčna 85% abłasnoha centra byli abiastočany ŭ vyniku abstrełu i paškodžańnia Kiraŭskaj padstancyi ŭ Kamienabrodskim rajonie», - adznačyli ŭ harsaviecie.
Napiaredadni ŭ rajonie nasielenaha punkta Vierchniakamienka Łuhanskaj vobłaści praciahvaŭsia boj pamiž siłami ATA i bajevikami.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary