Znakamity brytanski baksior-prafiesijanał Derek Čysora rychtavaŭsia da pajadynku z Tajsanam Fjury. Dla trenirovačnych sparynhaŭ u Łondan zaprasili minčuka Alaksandra Uścinava. Bajcy pravodzili zaviaršalnuju treniroŭku, i Čysora traŭmavaŭsia.
A ŭ sieradu, 23 lipienia, suśvietnaviadomyja miedyi The Guardian i BBC paviedamili pra toje, što bicca z Tajsanam Fjury budzie «Biełaruski hihant» (tak u brytanskich ŚMI nazyvajuć Alaksandra Uścinava). Dvuboj adbudziecca u subotu, 26 lipienia ŭ Mančeściery.
Traŭmavany Derek Čysora prasłaviŭsia nie tolki jak zdolny baksior, ale i jak hareza-skandalist. Heta jon daŭ aplavuchu ŭkraincu Vitalu Kličko pierad ich dvubojem. A na nastupny dzień u rynhu plunuŭ u tvar Kličko-małodšamu. Taksama Čysora siadzieŭ za kratami, bo nadavaŭ kuchtaloŭ svajoj siabroŭcy, jakaja pierapisvałasia pa mabilniku z patajemnym kavaleram. Na jašče adnoj pres-kanfierecyi Derek pabiŭsia z baksioram Devidam Chejem i byŭ zatrymany niamieckaj palicyjaj. Pierad adnym z pajadynkaŭ pamiž Čysoram i sapiernikam ustalavali aharodžu z prazrystaha płastyku, kab nie pabilisia da vychadu na rynh.
A voś z Alaksandram Uścinavym skandalny brytaniec adrazu naładziŭ tavaryskija adnosiny. I treba ž było takomu zdarycca, kab u samym apošnim sparynhu Čysora traŭmavaŭsia.
«Ciapier ja rychtuju ŭsie miedycynskija dakumienty. Heta Jeŭropa, i tam ź miedycynaj naŭdałuju nie projdzie, mohuć nie dapuścić da boju», — pieradaje «Biełaruski hihant» svaje apošnija naviny.
Jeŭraradyjo: Jakim čynam vam udałosia zamianić Čysoru ŭ takim kasavym bai?
Alaksandr Uścinaŭ: Derek Čysora sam skazaŭ: «Jany vartyja taho, kab pabicca zamiest mianie» (majucca na ŭvazie Alaksandr i jaho trenier Uładzimir Zadziran — Jeŭraradyjo). Ja im sastupaju svajo miesca.
Jeŭraradyjo: A što zdaryłasia z Čysoram? Jon sapraŭdy złamaŭ ruku ŭ sparynhu z vami?
Alaksandr Uścinaŭ: Nu, tak.
Jeŭraradyjo: Tajsan Fjury — ci samy heta mocny sapiernik u vašaj karjery?
Alaksandr Uścinaŭ: Kaniečnie, nie. Samym mocnym maim sapiernikam byŭ Vital Kličko, ź jakim ja stajaŭ u parach.
Jeŭraradyjo: Na rasijskich forumach bolšaść zaŭziataraŭ pierakananaja, što Fjury pieramoža Uścinava nakaŭtam. Sam anhličanin — adzin z samych papularnych baksioraŭ śvietu. Jon pahražaŭ źniać skalp z Kličko i zajaviŭ, što nakaŭtuje vas.
Alaksandr Uścinaŭ: U majoj karjery heta narmalnaja situacyja. Było vielmi šmat ludziej, jakija šmat i hučna kryčali. Ale vynik usio adno pakazvaje rynh.
Tajsan Fjury.
U Alaksandra Uścinava ŭnikalny spartovy los. Jon naradziŭsia na Ałtai i staŭ AMAPaŭcam, braŭ udzieł u čačenskaj kampanii. Kali Alaksandru było 25, jaho zaŭvažyŭ biełaruski trenier pa kikboksinhu Uładzimir Zadziran, jaki pravodziŭ u Novasibirsku majstar-kłas. Uścinaŭ zvolniŭsia z AMAPa i pierajechaŭ u Minsk, dzie z nula pačaŭ zajmacca adzinaborstvami i nikoli nie mianiaŭ treniera. Za 12 hadoŭ Alaksandr atrymaŭ u Minsku vyšejšuju adukacyju, staŭ čempijonam śvietu pa muaj-taj i kikboksinhu a potym vyrašyŭ pierajści ŭ prafiesijny boks. Z 30 bajoŭ jon pieramoh u 29. Prajhraŭ Uścinaŭ tolki adnojčy — bałharynu Kurbatu Pulevu. A ŭ apošnim dvuboi «Biełaruski hihant» pieramoh lehiendarnaha novaziełandca Devida Tua.
Cikava, što ŭ brytanskaj presie pra Uścinava adhukajucca vielmi pavažliva. A ŭ rasijskaj čatyry ź piaci kamientaroŭ niehatyŭnyja, maŭlaŭ, Uścinaŭ pavolny i pradkazalny.
Alaksandr Uścinaŭ i jaho trenier Uładzimir Zadziran.
«Kali Alaksandr siońnia ŭ takoj ža formie, jak u pajadynku suprać Tua, jon moža pieramahčy Fjury biez prablemaŭ, — ličyć viadomy biełaruski śpiecyjalist pa boksie Kanstancin Machańkoŭ. — Nie liču Tajsana Fjury topavym baksioram».
Jeŭraradyjo: Ale jon suśvietnaja znakamitaść. Fjury nie baicca navat biaskonca pahražać bratam Kličko.
Kanstancin Machańkoŭ: Rejtynh nie zaŭždy adpaviadaje tamu, čaho nasamreč bajec varty. Dobra pracujuć mieniedžary i pramoŭtary. Nu i spracoŭvaje jazyk biez kostak. Mnohija kryčać, što pabjuć Kličko. Heta ŭsio robicca, tamu što z Kličko možna zarabić šmat hrošaj.
Jeŭraradyjo: Uścinava paŭsiudna krytykujuć, što jon nibyta nie maje techniki. Na vašuju dumku, ci praŭda heta?
Kanstancin Machańkoŭ: U jaho dobraja maniera pry jaho antrapamietryčnych dadzienych. Jon vialiki (rost — kala 2 mietraŭ, vaha — kala 140 kh — zaŭv. Jeŭraradyjo), jon bje z dalniaj dystancyi. Udar u jaho vielmi mocny. Mnie zdajecca, jon moža nakaŭtavać Tajsana Fjury.
Fota budzma.by, bbc.co.uk, theguardian.com
