Žanr: fantastyka, drama, bajavik
Režysior: Met Ryŭz
U rolach: Hery Ołdmen, Džejsan Kłark, Endzi Siorkis, Džudzi Hryr, Kery Raseł, Kirk Ačevieda, Kievin Renkin
ZŠA, 130 chv.
Paśla daśledavańnia novych lekaŭ ad chvaroby Alchiejmiera śviet zachłynuŭ małpavy hryp. Ad jaho pamierła bolšaja častka ludziej, a małpy, na jakich pravodziłasia daśledavańnie, pieratvarylisia ŭ razumnych istot i syšli z horada ŭ lasy. Pakul ludzi zmahalisia za vyžyvańnie, małpy stvaryli svajo pasielišča.
Ciapier ludzi adnaŭlajuć zvykły sposab isnavańnia: kab zdabyć elektryčnaść, jany chočuć zapuścić staruju HES, što staić u tym samym lesie. Małkalm ź niekalkimi dobraachvotnikami sprabuje damovicca z Cezaram, najbolš razumnym važakom małpaŭ, mirnym šlacham. Ale i siarod małpaŭ, i siarod ludziej jość złamyśniki.
Film praciahvaje historyju, raskazanuju ŭ filmie «Paŭstańnie płaniety małpaŭ» (2011), jakaja adkryła pierazapusk kinafranšyzy, zasnavanaj na ramanie francuzskaha fantasta Pjera Bula. Siužet hetych filmaŭ źviartajecca da padziej, jakija mahli b adbyvacca da historyi, apisanaj u knizie. Śviet, dzie małpy stanoviacca nie tolki takimi ž razumnymi, ale i bolš čałaviečnymi za ludziej, nie pierastaje chvalavać tvorcaŭ.
Stužka atrymałasia napružanaj i ščymlivaj. Charaktary niekatorych pradstaŭnikoŭ małpavaha śvietu raspracavanyja ci nie bolš daskanała za charaktary ludziej. Cezar — asoba ŭnikalnaja, miralubnaja i dobraja. Ale małpavaje hramadstva rassłojvajecca, jamu stanoviacca ŭłaścivyja paniaćci dabra i zła.
Stvoranyja pry dapamozie kampjutarnaj hrafiki žyvieły vyhladajuć nadzvyčaj realistyčna. Namalavanyja nie tolki ŭsie małpy, ale i inšyja žyvioły — koni, aleni i miadźviedź.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary