Traciejski sud u Haazie abaviazaŭ Rasiju vypłacić eks-akcyjanieram JUKASa $50 młrd zamiest zapatrabavanych $ 114 młrd. Ab hetym piša «Kommiersant» sa spasyłkaj na krynicy, znajomyja ź situacyjaj.
Akramia taho, Rasija pavinna apłacić vydatki sudovaha pracesu ŭ pamiery $65 młn. Na abskardžańnie u Rasii jašče jość 10 dzion. Krynicy vydańnia nie sumniavajucca ŭ tym, što Maskva skarystajecca hetaj mahčymaściu.
Jak piša «Kommiersant», Rasiju pryznali vinavataj u parušeńni Enierhietyčnaj chartyi z-za faktyčnaj eksprapryjacyi kampanii JUKAS.
Rasijski bok u chodzie pracesu nastojvaŭ na tym, što Enierhietyčnaja chartyja nie moža prymianiacca, bo dakumient padpisvaŭsia premjeram Viktaram Čarnamyrdzinym ŭ 1994 hodzie, ale pry hetym nie byŭ ratyfikavany parłamientam.
Pavodle rašeńnia suda, Rasija moža vypłacić kampiensacyju da 15 studzienia 2015 hoda, paśla čaho pačnuć naličacca pracenty. Taksama na praciahu 10 dzion z 28 lipienia Rasija moža źviarnucca ŭ sudy Niderłandaŭ, na terytoryi jakoj razhladaŭsia pazoŭ, z zajavaj ab anulacyi rašeńnia.
