Hałoŭnym śledčym upraŭleńniem pravodziacca pracesualnyja dziejańni pa kryminalnaj spravie ab karupcyi ŭ dačynieńni da słužbovych asobaŭ AAT «Naftan» (Navapołack).
Padstavaj dla zaviadzieńnia kryminalnaj spravy pasłužyli materyjały Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj Ministerstva ŭnutranych spraŭ, paviedamiła ŭ svaim fejsbuku aficyjny pradstaŭnik Śledčaha kamiteta Julija Hančarova.
U miežach kryminalnaj spravy zatrymanyja namieśnik hienieralnaha dyrektara i šerah inšych słužbovych asob nazvanaha akcyjaniernaha tavarystva, a taksama kiraŭniki pradpryjemstvaŭ realnaha siektara ekanomiki.
Dziejańni padazravanych kvalifikavanyja pa č.3 art. 424 (Złoŭžyvańnie słužbovymi paŭnamoctvami) Kryminalnaha kodeksa Respubliki Biełaruś.
Ažyćciaŭlajucca śledčyja dziejańni, nakiravanyja na ŭstanaŭleńnie ŭsich abstavinaŭ ździajśnieńnia hetych złačynstvaŭ.
Pravodzicca rasśledavańnie.
