Fota ThinkStock
Daśledniki z Kalifarnijskaha technałahičnaha instytuta vyjavili ŭčastak hałaŭnoha mozhu, stymulacyja jakoha mamientalna pryvodzić da «vyklučeńnia» apietytu, paviedamlaje Bi-Bi-Si.
Vyniki hetych daśledavańniaŭ dapamohuć u baraćbie z atłuścieńniem i anareksijaj.
U chodzie ekśpierymientaŭ z udziełam myšej navukoŭcy vykarystoŭvali łaziernyja pramiani dla stymulacyi ŭ žyvioł niejronaŭ ŭ halinie mindalepadobnaha cieła. Dadzienaja vobłaść mozhu źviazanaja z takimi emocyjami, jak stres i strach. Razdražnieńnie ŭčastka pryvodziła da nieadkładnaha spynieńnia spažyvańnia ježy.
«Heta było dziŭna, niby vy nacisnuli vyklučalnik, jaki nie dazvalaje žyviołam jeści», — raspavioŭ hałoŭny aŭtar daśledavańnia Devid Andersan (David Anderson).
Paśla navukoŭcy z dapamohaj chimičnych rečyvaŭ damahalisia imitacyi ŭ hryzunoŭ roznych adčuvańniaŭ, naprykład, pačućcia sytaści, niadužańnia, młosnaści i horkaha smaku. I va ŭsich vypadkach niejrony mindalepadobnaha cieła byli aktyŭnymi. Heta dazvalaje vykazać zdahadku, što dadzienaja hrupa niejronaŭ adkaznaja za farmiravańnie reakcyi na spažyvańnie ježy.
Na dumku daśledčykaŭ, całkam vierahodna, padobnyja kletki jość i ŭ čałaviečym mozhu.
I kali heta paćvierdzicca, to ŭ budučyni heta moža dapamahčy ŭ lačeńni roznych charčovych rasstrojstvaŭ.
