Voziera Narač zaniało treciaje miesca pa papularnaści ŭ rasijskich adpačyvalnikaŭ
Składzieny rejtynh kurortaŭ krain SND u tannym siehmiencie.
Pieršaje miesca na postsavieckaj prastory zaniało kyrhyzskaje voziera Isyk-Kul, druhoje — kurort Baravoje ŭ Kazachstanie.
Heta — vyniki daśledavańnia, jakoje pravioŭ papularny servis anłajn-braniravańnia Oktogo.ru. Rejtynh kurortaŭ składzieny pavodle źviestak broniaŭ pajezdak na leta 2014 hoda.
Pavodle źviestak servisu, u rejtynh uvajšli tyja miescy dla letniaha adpačynku, dzie tydniovy adpačynak, uklučajučy pražyvańnie, charčavańnie i ekskursii, abydziecca ŭ sumu da 700 dalaraŭ.
Takim čynam, u top-10 letnich kurortaŭ byłoha SSSR u rasiejcaŭ, jakija vandrujuć samastojna, uvachodziać:
1. Voziera Isyk-Kul (Kyrhyzstan).
2. Kurort Baravoje (Kazachstan).
3. Voziera Narač (Biełaruś).
4. Hahry (Čornaje mora, Hruzija).
5. Chudat (Kaśpijskaje mora, Azierbajdžan).
6. Jurmała (Ryžski zaliŭ, Łatvija).
7. Voziera Sievan (Armienija).
8. Pałanha (Bałtyjskaje mora, Litva).
9. Batumi (Čornaje mora, Hruzija).
10. Vaduł-łuj-Vode (Dniestr, Małdova).
«Samaje vialikaje voziera ŭ Biełarusi — Narač — raźmieščana niedaloka ad stalicy dziaržavy, u Minskaj vobłaści. Čystaja vada, mnostva sanatoryjaŭ i biełaruskaja haścinnaść źjaŭlajucca asnoŭnymi čyńnikami, jakija pryciahvajuć adpačyvalnikaŭ na kurort», — adznačajecca pa vynikach daśledavańnia.
Kamientary