Reštki ściobłaŭ złakaŭ harać na palach pad Minskam. Pra heta 31 lipienia dniom paviedamiŭ BiełTA pres-sakratar Ministerstva pa nadzvyčajnych situacyjach Vital Navicki, kamientujučy paviedamleńni karystalnikaŭ tvitera.
«La Minska haryć iržyšča, a nie pole sa zbožžavymi. Našy padraździaleńni pracujuć», — skazaŭ Vital Navicki.
Karystalniki tvitara vykłali siońnia paviedamleńni, u jakich havorycca, što ź Minska bačny dym u pryharadach, u pryvatnaści ŭ rajonie vulicy Bahdanoviča.
Jak paviedamlaje tvitar MNS harać ścierni i suchoj travy ŭ rajonie vulic Karastajanavaj i Daŭhinaŭskaha trakta, a taksama ŭ poli kala v. Mały Traścianiec, tut u tušeńni zadziejničany dzieviać adzinak techniki.
U 17.00 supracoŭniki MNS paviedammili ab likvidacyi zaharańnia iržyšča i suchoj travy.
«Pažar u Minsku likvidavany, a raniej likvidavali i zaharańnie kala vioski Mały Traścianiec. Na miescy zastaniecca častka našaj techniki dla kantrolu», — skazaŭ pres-sakratar Ministerstva pa nadzvyčajnych situacyjach Vital Navicki.
Dla tušeńnia hetych pažaraŭ było zadziejničana bolš za 20 adzinak techniki, u tym liku MNS. U rajonie pažaru pablizu vulicy Karastajanavaj i Daŭhinaŭskaha trakta pracavaŭ viertalot Mi-8 avijacyi MNS.
Ciapier čytajuć
Dźmitryja Łukašenki nie było z baćkam i bratami na adznačeńni 3 Lipienia19
Kamientary