Alaksandr Łukašenka padkreślivaje, što ni pierad čym nie spynicca ŭ baraćbie z karupcyjaj, u tym liku siarod słužbovych asob vysokaha ŭzroŭniu.
Ab hetym kiraŭnik dziaržavy zajaviŭ siońnia na naradzie ab udaskanaleńni zakanadaŭstva pa baraćbie z karupcyjaj.
«Ja ni pierad čym nie spyniusia. Niachaj mianie lepš zastrelać abo paviesiać, čym ja tut adstuplu», — skazaŭ biełaruski lidar.
Pa słovach Alaksandra Łukašenki, samaje strašnaje, kali ŭ karupcyjnyja dziejańni buduć uciahnutyja słužbovyja asoby vysokaha ŭzroŭniu, i tym samym lubyja namahańni i mierapryjemstvy pa baraćbie z hetymi prajavami buduć vyhladać śmiešnymi ŭ vačach hramadzian.
Kiraŭnik dziaržavy pry hetym padkreśliŭ, što pytańni ab uzmacnieńni baraćby z karupcyjaj padymajucca zusim nie tamu, što nibyta pačałasia pieradvybarčaja kampanija, jak heta kamientujuć u tym liku ŭ internet-prastory. «Mnie niama nieabchodnaści akcentavać na hetym uvahu», — adznačyŭ jon.
«Ja patrabuju adnaho — nie kradzicie ŭ dziaržavy. Kali vy budziecie abdzirać ułasny narod, litaści nie čakajcie.
Vykarystoŭvać pasadu dla taho, kab prasunuć niejkija intaresy žulla, jakoje vakoł vas chodzić, niedapuščalna», — padkreśliŭ Alaksandr Łukašenka.
Łukašenka taksama nahadaŭ pra toje, jakija nastupstvy vyklikaŭ razhuł karupcyi ŭ šerahu krain, u tym liku ŭ susiedniaj Ukrainie. Pa słovach kiraŭnika dziaržavy, kali efiektyŭna nie zmahacca z hetym vidam złačynnaści, to na peŭnym etapie ciapierašniaja ŭłada stanie nieprymalnaja dla naroda, anałahična tamu, jak heta adbyłosia da pieršych prezidenckich vybaraŭ u Biełarusi.
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Kamientary