Alaksandr Łukašenka 31 lipienia sustreŭsia z trochrazovaj alimpijskaj čempijonkaj pa bijatłonie, Hierojem Biełarusi, pasłom dobraj voli Prahramy raźvićcia AAN Darjaj Domračavaj.
Łukašenka, u pryvatnaści, pacikaviŭsia padrychtoŭkaj nacyjanalnaj zbornaj Biełarusi da čarhovaha siezona, a taksama stanam bijatłonnych abjektaŭ.
Jon nahadaŭ pra svaje abiacańniaŭ u navakolli davieści da hatoŭnaści bijatłonnuju trasu ŭ Raŭbičach i łyžna-bijatłonnuju spartyŭnuju bazu «Zajačaja palana». Pavodle jaho słoŭ, u bližejšyja miesiacy ŭsio budzie hatova. «Mianie zapeŭnili, što nie budzie prablem z treniroŭkaj nacyjanalnaj kamandy, dy i naohuł bijatłanistaŭ. Usio budzie zroblena, jak my abiacali», — padkreśliŭ Łukašenka.
Jon ličyć važnym, kab pobač ź viadomymi bijatłanistami pieryjadyčna treniravałasia moładź.
«Viedaješ, kali biažyć vialiki čałaviek, to za im dzieści i pahladzieć, i prabiehčysia, pavučycca ŭ jaho možna, kab jany taksama vyjhravali», — skazaŭ Łukašenka.
Pavodle jaho słoŭ, «vialikuju spravu, kali spartsmieny ź dziciača-junackaj spartyŭnaj škoły pryjazdžajuć i niekatory čas trenirujucca pobač z nacyjanalnaj kamandaj». «Heta ŭsio ž taki padymaje duch», — zaŭvažyŭ Łukašenka.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary