Na profili «VKantakcie» žychar Sankt-Pieciarburhu Dźmitryj Hryciuk apublikavaŭ svaje fotazdymki ź siabrami na fonie zabitych ukrainskich žaŭnieraŭ.
Tam ža apublikavanaje videa ź miesca hibieli ekipažu BMP.
Rasiejec fatahrafujecca na fonie zabitych desantnikaŭ i kamientuje: «Voś heta chłopcy z ukrainskaj armii, jakija sprabavali prarvacca, jakija hinuć tut ni za što». Na videa — niekalki abharełych trupaŭ vajskoŭcaŭ i zharełaja mašyna desantnikaŭ. Taksama jon śćviardžaje, što zahinułyja — žaŭniery z ukrainskaha bataljonu «Dniapro», bo «adnaho ź ich našyja złavili».
Naprykancy videa rasiejski teraryst pavaročvaje telefon ź videakamieraj u svoj bok i havoryć: «taki voś sam sabie režysior».
Biełaruski aktyvist Andrej Kim, jaki zaŭvažyŭ staronku Hryciuka, raspavioŭ, što Hryciuk — kantraktnik u rasijskim vojsku. «Tak mnie skazali jahonyja svajaki», — paviedamiŭ Kim «Biełsatu».
Staronka Hryciuka ciapier vydalenaja z sacyjalnych sietak.
«Ja admaŭlajusia ŭ heta vieryć… Voś staronka chłopca, vajenasłužačaha z Rasii. Jaho avatarka — jon ź siabrami fotkajecca na fonie razarvanaha tułava ŭkrainskaha žaŭniera. Fota nie fejk, tam ža na staroncy jość videa, dzie jon zdymaje trup i niešta kaža pra toje što «małady chachoł byŭ» i h.d. Ja paśpieŭ na apošnija siekundy isnavańnia staronki, jana zaraz zabłakavanaja VKontaktie», — napisaŭ aktyvist Andrej Kim na svajoj staroncy ŭ fejsbuku.
