U Mahilovie 2 žniŭnia mužčyna zabiŭ žonku i sprabavaŭ pakončyć z saboj.
Maci zahinułaj nie mahła datelefanavacca da dački i pryjechała ŭ kvateru maładoj siamji, raspaviała TUT.BY aficyjny pradstaŭnik Śledčaha kamiteta pa Mahiloŭskaj vobłaści Aksana Salaniuk.
Pierastupiŭšy paroh kvatery, žančyna ŭbačyła skryvaŭleny trup dački. Ziać, ściakajučy kryvioj, abdymaŭ cieła žonki i paŭtaraŭ, što žyć bieź jaje nie zmoža. Mužčynu zabrali ŭ balnicu, dzie jon pieranios apieracyju.
«Miarkujuć, što pamiž mužam i žonkaj adbyłasia svarka, padčas jakoj mužčyna schapiŭ nož i nanios 22-hadovaj žančynie niekalki ŭdaraŭ nažom.
Paśla hetaha jon sprabavaŭ pakončyć z žyćciom: pierarezaŭ sabie vieny, paškodziŭ trachieju», — raspaviała Aksana Salaniuk.
28-hadovy mahiloviec znachodzicca ŭ špitali pad kanvojem. U dačynieńni da jaho zaviedziena kryminalnaja sprava. Mužčynu padazrajuć u zabojstvie, ździejśnienym z asablivaj žorstkaściu.
