Nacyjanalnym mastackim muziei Biełarusi źjavilisia aŭdyjahidy. Ab hetym paviedamiła namieśnik hienieralnaha dyrektara pa navukovaj rabocie muzieja Nadzieja Usava.
Ciapier kožny žadajučy moža prasłuchać infarmacyju ab vybranych tvorach mastactva, pradstaŭlenych u muziei.
«Košt arendy aŭdyjahida — Br20 tys. Heta suma dadatkova apłačvajecca da ŭvachodnych biletaŭ, — raskazała Nadzieja Usava. — Paśla ahladu ekspazicyi trubku treba budzie zdać nazad, inakš spracuje sistema apaviaščeńnia. Na hety momant zakuplena 40 takich ustrojstvaŭ».
Źviestki ab samych cikavych ekspanatach pradstaŭleny na troch movach — biełaruskaj, ruskaj ci anhlijskaj. U fanahramu ŭvajšli dvuch- i trochminutnyja apaviadańni ab 90 pradmietach z muziejnaj kalekcyi. U dalejšym płanujecca pašyryć śpis aŭdyjatekstaŭ, pry farmiravańni jakoha budzie ŭličvacca mierkavańnie naviedvalnikaŭ.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary