U Biełarusi ŭdaskanalvajecca kantrol za metavym vykarystańniem ilhotnych kredytaŭ, što pradastaŭlajucca na budaŭnictva (rekanstrukcyju) abo nabyćcio žyłych pamiaškańniaŭ.
Adpaviedny ŭkaz №396 «Ab uniasieńni dapaŭnieńniaŭ i źmianieńniaŭ va ŭkazy prezidenta Respubliki Biełaruś» kiraŭnik dziaržavy Alaksandr Łukašenka padpisaŭ 6 žniŭnia.
«U metach udaskanaleńnia kantrolu za metavym vykarystańniem ilhotnych kredytaŭ, jakija pradastaŭlajucca AAT «AAB Biełarusbank» i AAT «Biełahraprambank» na budaŭnictva (rekanstrukcyju) abo nabyćcio žyłych pamiaškańniaŭ, dapaŭnieńni i źmianieńni ŭnosiacca va ŭkazy ad 2 vieraśnia 1996 hoda numar 346 «Ab niekatorych mierach pa raźvićci žyllovaha budaŭnictva ŭ vioscy», ad 6 studzienia 2012 hoda numar 13 «Ab niekatorych pytańniach pradastaŭleńnia hramadzianam dziaržaŭnaj padtrymki pry budaŭnictvie (rekanstrukcyi) abo nabyćci žyłych pamiaškańniaŭ» i ad 6 červienia 2013 hoda numar 263 «Ab dolevym budaŭnictvie abjektaŭ u Respublicy Biełaruś», - prainfarmavali ŭ pres-słužbie.
Uvodziacca normy, zhodna ź jakimi pieraličeńnie lhotnych kredytaŭ na budaŭnictva (rekanstrukcyju) žyłych pamiaškańniaŭ ažyćciaŭlajecca AAT «AAB Biełarusbank» i AAT «Biełahraprambank» na śpiecyjalnyja rachunki, adkrytyja ŭ nazvanych bankach dla zakazčykaŭ i padradnych arhanizacyj.
Srodki, pieraličanyja na śpiecyjalnyja rachunki, buduć vykarystoŭvacca tolki pa metavym pryznačeńni na budaŭnictva (rekanstrukcyju) žyłych pamiaškańniaŭ i nakiroŭvacca na finansavańnie rabot i zatrat, uklučanych u zvodny kaštarysny raźlik.
U adnosinach da takich raźlikaŭ abmiažoŭvajecca biassprečnaje spahnańnie hrašovych srodkaŭ, a taksama nie dapuskajecca aryšt i prypynieńnie raschodnych apieracyj. Vypłata padatkaŭ, zboraŭ, inšych abaviazkovych płaciažoŭ u biudžet za košt hrašovych srodkaŭ, zaličanych na śpiecyjalnyja rachunki, pravodzicca nie budzie.
Uličvajučy, što śpiecyjalnyja rachunki buduć adkryvacca na kožny žyły dom, udakładniajecca paniaćcie abjekta budaŭnictva. Pad abjektam budaŭnictva majecca na ŭvazie adzin žyły dom, u toj čas jak da hetaha času ŭ jakaści abjekta budaŭnictva mahli vystupać niekalki žyłych damoŭ, što ŭskładniała kantrol za metavym vykarystańniem nakiravanych na budaŭnictva srodkaŭ.
Praduhledžvajecca, što zabudoŭščyk maje prava ŭ pracesie budaŭnictva źnizić za košt źmianšeńnia pamieru prybytku canu abjektaŭ dolevaha budaŭnictva dla ŭsich dolščykaŭ. Heta rašeńnie afarmlajecca dadatkovym pahadnieńniem da dahavora.
Ustanaŭlivajecca, što kali dolščyk atrymaŭ u pracesie budaŭnictva prava na lhotny kredyt, to pry najaŭnaści paćviardžalnych dakumientaŭ u abaviazkovym paradku pa zajavie dolščyka zabudoŭščykam pravodzicca pieraraźlik cany abjekta dolevaha budaŭnictva (cany dahavora) z vyklučeńniem pryviazki da zamiežnaj valuty za ŭvieś pieryjad budaŭnictva.
Akramia taho, uniesieny niekatoryja inšyja źmianieńni, nieabchodnaść jakich vyjaŭlena ŭ chodzie prymianieńnia zakanadaŭstva ab žyllovym budaŭnictvie.
