Fota Reuters.
U kampanii Yahoo zajavili, što na ich paštovym servisie ŭ 2015 hodzie budzie realizavana šyfravańnie pa pryncypie «z kanca ŭ kaniec» (end-to-end).
Čakajecca, što jano budzie sumiaščalnaja z anałahičnaj technałohijaj Google, pieradaje SecurityLab.
Kampanija Google zrabiła anałahičnuju zajavu na pačatku červienia.
Google paviedamiła ab chutkim vychadzie biaspłatnaha pašyreńnia dla jaje braŭzera Chrome, jakoje «dapamoža šyfravać i rasšyfroŭvać, stavić ličbavy podpis i vieryfikavać padpisanyja pasłańni ŭ braŭzery pry dapamozie prahramy šyfravańnia OpenPGP».
Ciapier ža možna śćviardžać, čto šyfravańnie pošty dazvolić biaśpiečnym sposabam adpraŭlać elektronnyja listy ŭžo pamiž dvuma paštovymi servisami — Google i Yahoo, tak što złamyśnik nie zmoža atrymać dostup da zašyfravanych «z kanca ŭ kaniec» listoŭ.
Šyfravańnie web-pošty «ŭskładnić žyćcio» bolšaści karystalnikaŭ. Tamu Google i Yahoo niekalki zaniepakojenyja mahčymaj strataj klijentaŭ u vypadku zapavolenaj z-za šyfravańnia pracy paštovaha servisu.
U Google i Yahoo pakul nie viedajuć, ci padtrymajuć hetuju inicyjatyvu inšyja paštovyja siervisy.
Jość mierkavańnie, što pytańnie bolš šyrokaha ŭkaranieńnia šyfravańnia web-pošty paŭstała paśla taho, jak były padradčyk Ahienctva nacyjanalnaj biaśpieki ZŠA Edvard Snoŭdien apublikavaŭ infarmacyju ab prahramach adsočvańnia na ŭradavym uzroŭni.
