Za 7 miesiacaŭ biahučaha hoda ŭ Biełaruś prybyło bolš za 25 tys. hramadzian Ukrainy. Ab hetym paviedamili ŭ pres-słužbie Ministerstva ŭnutranych spraŭ Biełarusi.
«U studzieni-lipieni 2014 hoda ŭ Biełaruś prybyło bolš za 25 tys. hramadzian Ukrainy. Pryčym bolšaść ź ich pryjechali ŭ červieni-lipieni», — raskazali ŭ pres-słužbie.
U MUS adznačyli, što status biežanca jašče nikomu nie pradastaŭlaŭsia, ale ciapier na razhladzie znachodziacca 245 chadajnictvaŭ ab pradastaŭleńni statusu biežanca abo dadatkovaj abarony.
Amal 1,4 tys. hramadzian Ukrainy atrymali dazvoł na pastajannaje pražyvańnie, a bolš jak 3 tys. pryjechaŭšych dazvolena časova pražyvać u Biełarusi.
U ministerstvie adznačyli, što na sajcie MUS Biełarusi, a taksama na veb-resursach abłasnych upraŭleńniaŭ raźmieščana infarmacyja dla hramadzian Ukrainy, jakija prybyvajuć u Biełaruś. Tut možna aznajomicca z praviłami ŭjezdu ŭ krainu, umovami časovaha i pastajannaha pražyvańnia. Akramia taho, u raździele raźmieščana infarmacyja ab pracaŭładkavańni na terytoryi Biełarusi i pradastaŭleńni statusu biežanca.
