U Homieli zatrymanyja padazravanyja ŭ padpale letniaj kaviarni kramy «Čarnihaŭski», u tym liku žychar Rasii.
Jak paviedamlaje namieśnik načalnika AUS administracyi Navabielickaha rajona Homiela Jaŭhien Marachin, pry prahladzie zapisaŭ kamier videanazirańnia kramy było vyśvietlena, što pryčynaj uzharańnia stała nie elektryčnaje zamykańnie, jak śćviardžała bolšaść hramadzian, a padpał. Jon byŭ ździejśnieny z metaj «zamieści ślady» paśla ździejśnienaha ŭ kaviarni kradziaža.
Na zapisie ŭčastkovyja paznali padpalščyka - žychara rajona, jaki ŭžo traplaŭ u pole zroku milicyi. U jaho doma milicyjanty vyjavili mnostva pustych butelek ad skradzienaha z kaviarni śpirtnoha, a taksama pradukty. U susiedniaj kvatery taksama byli vyjaŭlenyja pakiety z kradzienym ź letniaj kaviarni.
U chodzie rasśledavańnia vyśvietliłasia, što adzin z padazravanych - hramadzianin RF. Jak paviedamiła BiełaPAN aficyjny pradstaŭnik USK pa Homielskaj vobłaści Maryja Kryvanohava, rasiejec 1966 hoda naradžeńnia pryjechaŭ u Homiel u hości da žančyny, ź jakoj paznajomiŭsia praź internet.
U dačynieńni da padazravanych raspačali kryminalnuju spravu pa častcy 2 artykuła 205 KK (kradziež). Padličvajecca škoda ad złačynnaj dziejnaści kryminalnaha dueta - košt skradzienaj i źniščanaj ahniom majomaści.
