Palicyja Liberyi abstralała udzielnikaŭ akcyi pratestu, jakija vyjšli na vulicy paśla ŭviadzieńnia karancinu ŭ adnym z rajonaŭ stalicy krainy Manrovii.
U vyniku, pa dadzienych Reuters, ranieńni atrymali čatyry čałavieki, u ź liku adno dzicia.
«Sałdaty vykarystoŭvajuć bajavyja patrony, pry hetym jany vykonvajuć usie praviły. Jany nie stralajuć u mirnych hramadzian. Kožnaje kulavoje ranieńnie budzie zafiksavana miedykami», — paviedamiła pradstaŭnik armii Desalin Elisan.
Akcyi pratestu pačalisia 20 žniŭnia paśla taho, jak ułady pryniali rašeńnie zabłakavać darohi, jakija viaduć u rajon Vest Point, dzie byŭ uviedzieny karantyn dla praduchileńnia raspaŭsiudžvańnie lichamanki Eboła. Supracoŭniki pravaachoŭnych orhanaŭ ŭźviali barykady sa stałoŭ, kresłaŭ i kalučaha drotu. Miascovyja žychary zapatrabavali ad palicejskich vypuścić ich za miežy aharodžanaj terytoryi, ale atrymaŭšy admovu, zakidali ich kamianiami. U adkaz vartavyja paradku ŭžyli ślozatačyvy haz.
