Ranicaj 25 žniŭnia kałona rasijskich vojskaŭ uvajšła na terytoryju Ukrainy, pačała abstrelvać Novaazoŭsk i rušyła na Maryupal.
«My nazirali, jak rasijski desant zajšoŭ z boku miažy praz pali. U kałonie byli tanki, BTR i «Kamazy».
Jany raźmiaścilisia na poli pamiž vioskami Ščarbak i Markina, krychu vyšej za punkt propusku «Novaazoŭsk». Ich dazor i niekalki tankaŭ vyjšli ŭ rajon pasiołka Rozy Luksiemburh», — raspavioŭ pamiežnik Dźmitryj z častki 9937 Danieckaha pahraničnaha atrada, pieradaje TSN.
Rasijskija vojski ŭvajšli ŭhłyb terytoryi Ukrainy na 4-5 km, a dazor prajšoŭ krychu dalej - na 10 km.
Ukrainskija pamiežniki adstupili, adlehłaść pamiž imi i vojskami — 3-4 km. Našy vajennyja naličyli nie mienš za 10 tankaŭ, na BTRach - ściahi desantu.
«My — piachota, a suprać nas tanki, BTR i artyleryja. Abaronu trymać pry nastupie my jašče zmožam, kali budzie nastupać piachota, uzmocnienaja BTRami, ale nie pry nastupie tankaŭ», — kaža Dźmitryj.
Pa słovach pamiežnika, rasijanie pačali abstrelvać ich raniejšyja pazicyi pad Novaazoŭskam, kałona rušyła pa pramoj darozie na Maryupal.
U toj ža čas, u pres-słužbie Danieckaha pahraničnaha atrada raspaviali, što nie vałodajuć infarmacyjaj pra ŭvarvańnie rasijskich vojskaŭ.