Prezident Kazachstana Nursułtan Nazarbajeŭ prapanuje sumiesnymi namahańniami raspracavać antykryzisny płan pieršačarhovych mier pa ratavańni ŭkrainskaj ekanomiki. Na hetym jon akcentavaŭ uvahu na sustrečy prezidentaŭ krain Mytnaha sajuza, Ukrainy i vysokich pradstaŭnikoŭ ES.
Kiraŭnik Kazachstana taksama ličyć, što dla pieraadoleńnia katastrafičnaj situacyi va Ukrainie treba padumać nad pytańniem stvareńnia śpiecyjalnaha mižnarodnaha štaba abo fondu padtrymki ekanomiki Ukrainy.
Akramia taho, Nursułtan Nazarbajeŭ vykazaŭ mierkavańnie, što mižnarodnaja supolnaść pavinna pasadziejničać pazityŭnamu zychodu pierahavoraŭ pamiž Ukrainaj i Rasijaj pa pytańniach pastaŭki hazu, što vyklučna važna napiaredadni zimovaha pieryjadu.
Prezident Kazachstana taksama krytykavaŭ «uzmacnieńnie abmienu sankcyjami, jakija ŭsich zavodziać u tupik». «Ad uzajemnych sankcyj słabieje ekanamičny patencyjał krain, cierpiać prostyja ludzi, raście sacyjalnaja napružanaść, a heta viadzie da novaha vitka suśvietnaha kryzisu, - padkreśliŭ Nursułtan Nazarbajeŭ. - U pieršuju čarhu budziem nieści straty my — Jeŭropa, Azija, uvieś kantynient».
«Kazachstan zacikaŭleny ŭ pradaŭžeńni ŭmacavańnia ŭzajemavyhadnych handlova-ekanamičnych adnosin u Mytnym sajuzie, a taksama z Ukrainaj i ES», — zajaviŭ prezident Kazachstana. Jon vykazaŭ hatoŭnaść šukać šlachi narmalizacyi šmatbakovych handlovych suviaziej.
