Nie zaležnyja adna ad adnoj krynicy ŭ dypłamatyčnych viedamstvach Ukrainy i Rasii paćviardžajuć infarmacyju ab tym, što nastupny raŭnd pieramovaŭ pamiž prezidentami Ukrainy i Rasii moža adbycca ŭžo na hetym tydni.
Ciapier prapracoŭvajecca mahčymaść taho, što 28 žniŭnia Piotr Parašenka i Uładzimir Pucin razam naviedajuć Ankaru.
Pavodle hetaj infarmacyi, razhladajecca mahčymaść dvuchbakovaj sustrečy Ukraina-RF, a taksama trochbakovaha raunda — z udziełam novaabranaha prezidenta Turcyi Redžepa Taipa Erdahana.
U hety dzień u tureckaj stalicy pavinna adbycca inaŭhuracyja Erdahana. Zaraz jon źjaŭlajecca premjeram Tureckaj respubliki, ale pa vynikach vybaraŭ, jakija adbylisia 10 žniŭnia, pavinien zaniać pasadu kiraŭnika dziaržavy. Na cyrymoniju zaprošanyja prezidenty šerahu dziaržaŭ, u pryvatnaści Ukrainy i Rasii.
Zaraz ni ŭ Maskvie, ni ŭ Kijevie niama kančatkovaha paćvierdžańnia ab sustrečy, śćviardžajuć dypłamatyčnyja krynicy. U toj ža čas, administracyja prezidenta Parašenki aktyŭna pracuje nad arhanizacyjaj pieramovaŭ.
Ideju takich pieramovaŭ padtrymlivaje taksama Erdahan. Adna z krynic u Maskvie vykazała zdahadku, što jon łabiravaŭ hetuju ideju padčas telefonnaj razmovy z Pucinym 23 žniŭnia. Razam z tym, prapracoŭka takoj mahčymaści viałosia bakami značna raniej.
Kančatkovaje rašeńnie ab praviadzieńni pieramoŭ ci ab ich admienie, chutčej za ŭsio, budzie pryniata viečaram 26 žniŭnia na sustrečy ŭ Minsku.
