Bolšaść siabroŭ dyscyplinarnaj kamisii, u jakuju ŭvachodzić rektar Połackaha dziaržuniversitetu i ŭsie jahonyja namieśniki, vykazałasia ab niemetazhodnaści dalejšaha navučańnia ŭ VNU aktyvistki «Maładoha frontu» Kaciaryny Sałaŭjovaj. Adnak adličać studentku administracyja ŭstanovy pakul nie rašyłasia — maładafrontaŭcy było prapanavana samoj zabrać dakumienty z navučalnaj ustanovy.
Sama Kaciaryna Sałaŭjova ŭpeŭniena ŭ palityčnym charaktary dziejańniaŭ kamisii.
‑ Sabrałasia ŭsia «anhlijskaja» kafiedra, i pry ich rektarat vyrašaŭ, ci metazhodna mnie praciahvać navučańnie. Da mianie prydzirajucca — jany navat hetaha nie chavajuć — praz maju palityčnuju dziejnaść.
Nahadajem, što Kaciaryna Sałaŭjova ŭžo niekalki dzion prachodzić padazravanaj pa kryminalnaj spravie ab ździajśnieńni ŭ horadzie palityčnych hrafici. Jana była zatrymanaja milicyjantami ŭ noč na aŭtorak, a ŭ sieradu ŭ studenckim internacie, dzie žyvie dziaŭčyna, supracoŭnikami Kamitetu dziaržaŭnaj biaśpieki byŭ praviedzieny pieratrus.