Jana pradstavić rehijon na respublikanskim etapie konkursu «Siamja hoda».
Asnoŭny tur abłasnoha etapu respublikanskaha konkursu «Siamja hoda» prajšoŭ siońnia ŭ Krupkach ŭ rajonnym Domie kultury. U im pryniali ŭdzieł piać siemjaŭ, jakich vybrali ŭ adboračnym tury (jon pravodziŭsia zavočna biez zaprašeńnia siemjaŭ pa pradstaŭlenych materyjałach).
Na konkursie jany prademanstravali filmy pra svaje siemji i pradstavili sacyjalna značnyja prajekty «Maja kraina — maja siamja». Historyi rodu, siamiejnyja zvyčai i tradycyi znajšli adlustravańnie ŭ vizitnych kartkach «Radavod». Akramia taho, udzielniki raspaviali pra svaju aktyŭnuju žyćciovuju pazicyju, zachapleńni, pośpiechi i dasiahnieńni.
Pa vynikach konkursu «Siamjoj hoda» ŭ Minskaj vobłaści stała siamja Charłančuk-Južakova ź Minskaha rajona. Akciory Pavieł i Hanna Charłančuk-Južakova hadujuć čatyroch dziaciej i zaraz čakajuć prybaŭleńnia ŭ siamiejstvie.
Siamja Taŭstyka ź Vilejskaha rajona pryznana samaj tvorčaj, siamja Vyskvarka ź Lubanskaha rajona — samaj artystyčnaj, siamja Dabryninych z Maładziečanskaha rajona - samaj znachodlivych. Pieramohu adrazu ŭ dźviuch naminacyjach — «Samaja družnaja siamja» i «Samaja pracavitaja siamja» — atrymała siamja Macaviła ź Niaśvižskaha rajona. Usim udzielnikam uručyli kaštoŭnyja padarunki i kvietki.
Pieršy respublikanski konkurs «Siamja hoda» adbyŭsia ŭ 2012 hodzie.
Finał druhoha respublikanskaha konkursu płanujecca vosieńniu 2014 hoda.
Meta konkursu — umacavańnie duchoŭna-maralnych asnoŭ siamji, adradžeńnie i prapahanda siamiejnych kaštoŭnaściej i tradycyj.
