U Manaka prajšło losavańnie hrupavoha turniru Lihi čempijonaŭ.
BATE zhulaje ŭ hrupie «H» z partuhalskim «Portu», danieckim «Šachcioram» i baskskim «Atletykam» ź Bilbaa (Ispanija).
Darečy, u pieraliku supiernikaŭ tolki «Šachcior» byŭ čempijonam krainy, «Portu» ŭ čempijanacie Partuhalii zaniaŭ 3-je miesca, «Atletyk» — 4-je ŭ čempijanacie Ispanii. Taksama treba dadać, što małavierahodna «Šachcior» budzie hulać svaje matčy ŭ Daniecku.
Sfarmavanyja nastupnyja hrupy:
Hrupa A: Atletyka Madryd, Juvientus, Alimpijakas, Malmio.
Hrupa V: Reał, Bazel, Livierpul, Łudahorac.
Hrupa S: Bienfika, Zienit, Bajer, Manaka.
Hrupa D: Arsienał, Barusija, Hałatasaraj, Anderlecht.
Hrupa Je: Bavaryja, Mančestar Sici, CSKA, Roma.
Hrupa F: Barsiełona, PSŽ, Ajaks, APOEŁ.
Hrupa G: Čełsi, Šalkie, Sportynh, Marybor.
Hrupa H: Portu, Šachcior Danieck, Atletyk Bilbaa, BATE.
Matčy hrupavoha turniru projduć 16—17 vieraśnia, 30 vieraśnia — 1 kastryčnika, 21—22 kastryčnika, 4—5 listapada, 25—26 listapada, 9—10 śniežnia. U płej-of vychodzić dźvie kamandy z hrupy. Raskład hulniaŭ stanie viadomy krychu paźniej.
BATE trojčy braŭ udzieł u hrupavym raŭndzie Lizie čempijonaŭ,
u pieršy siezon (2008/2009), zaniaŭ 4-je miesca ŭ hrupie (Juvientus, Reał, Zienit, BATE), nabraŭ try ački – try ničyi,
u siezonie 2011-2012 taksama zaniaŭ 4-je miesca ŭ hrupie z dvuma ačkami (Barsiełona, Miłan, Viktoryja, BATE),
u siezonie 2012-2013 barysaŭski kłub zaniaŭ 3-je miesca z šaściu bałami (Bavaryja, Valensija, BATE, Lil), atrymaŭšy pieramohi nad «Lilem» i «Bavaryjaj». Potym BATE u 1/16 finału hulaŭ u płej-of Lizie Jeŭropy z tureckim «Fienierbachče».
Nahadajem, što siońnia viečaram dva biełaruskija kłuby pazmahajucca za vychad u hrupavy raŭnd Lihi Jeŭropy.
Salihorski «Šachcior» hulaje z PSV z Ejndchoviena na «Barysaŭ-Arenie» (20:00, pieršy matč — 0:1), a minskaje «Dynama» ŭ haściach z partuhalskim «Naśjonałam» (21:45, pieršy matč — 2:0).
Kamientary