U Baranavičach 28 žniŭnia ŭ miascovaha žychara kanfiskavanaja bujnaja partyja śpirtu.
Jak paviedamili va UUS Bresckaha abłvykankama, supracoŭniki milicyi sumiesna ź inśpiekcyjaj Ministerstva pa padatkach i zborach na skryžavańni vulic Čarnyšeŭskaha i Prytyckaha ŭ Baranavičach spynili aŭtamabil «Miersiedes-Bienc-100D», za rulom jakoha znachodziŭsia 26-hadovy niepracoŭny miascovy žychar. Małady čałaviek pieravoziŭ 1.420 litraŭ śpirtu bieź biełaruskich akcyznych marak u 284 piacilitrovych płastykavych jomistaściach.
Dakumientaŭ na tavar u mužčyny nie było. Śpirt koštam 426 młn rubloŭ kanfiskavany.
Za niezakonny abarot ałkaholnaj pradukcyi ŭ dačynieńni da mužčyny składzieny pratakoł na padstavie č. 3 art. 12.27 KoAP. Maładomu čałavieku pahražaje štraf ad 10 da 100 bazavych vieličyń z kanfiskacyjaj tavaru.