Na sustrečy prezidenta Ukrainy Piatra Parašenki ź liderami frakcyj Viarchoŭnaj Rady było vyrašana nie ŭvodzić u krainie vajennaje stanovišča.
Pra heta paviedamlaje «5 kanał».
Hetuju infarmacyju taksama paćvierdziŭ pradstaŭnik infarmacyjna-analityčnaha centra RNBA Andrej Łysienka ŭ efiry telekanała ICTV.
Raniej lider parłamienckaj frakcyi «Svaboda» Aleh Ciahnibok zajaviŭ, što Parašenka abdumvaje metazhodnaść uviadzieńnia vajennaha stanovišča va Ukrainie.
«Prezident adkazaŭ, što jon abdumvaje mahčymaść uniasieńnia ŭ parłamient pytańnia ab nieabchodnaści ŭviadzieńnia vajennaha stanovišča ŭ Ukrainie», — skazaŭ Ciahnibok žurnalistam paśla sustrečy lideraŭ frakcyj i hrup Viarchoŭnaj Rady z kiraŭnikom dziaržavy ŭ paniadziełak u Kijevie.
Pa słovach lidera «Svabody», dla taho, kab prezident pryniaŭ takoje rašeńnie, pavinny adbycca «peŭnyja padziei». «Vidavočna, havorka idzie pra jašče bolšaje abvastreńnie situacyi na froncie», — rastłumačyŭ jon.
Pry hetym Ciahnibok skazaŭ, što ŭ śviatle apošnich padziej pad Iłavajskam i taho, što adbyvajecca ŭ Łuhansku, «viadoma, jak pa mnie, vajennaje stanovišča treba ŭvodzić jak maha chutčej».
U toj ža čas, lider parłamienckaj frakcyi «Baćkaŭščyna» Siarhiej Sobaleŭ ličyć, što va Ukrainie nie budzie ŭviedziena vajennaje stanovišča.
«Pavodle atrymanaj nami infarmacyi, pa stanie na siońnia jość usie padstavy ličyć, što naŭrad ci vajennaje stanovišča budzie ŭviedziena», — skazaŭ jon paśla sustrečy lidaraŭ parłamienckich frakcyj i hrup z prezidentam.
Lider frakcyi «Baćkaŭščyna» adznačyŭ, što ličyć palitykanstvam zajavy, što uviadzieńniem vajennaha stanovišča ŭ krainie možna sarvać pazačarhovyja parłamienckija vybary.
«Vajennaje stanovišča ŭvodzicca nie dla taho, kab sarvać vybary. Vajennaje stanovišča pavinna być uviedziena, kali situacyja vychodzić z-pad kantrolu», — padsumavaŭ Sobaleŭ.
