Biełaruś maje namier u 2015 hodzie raźličycca pa ŭsich źniešnich daŭhach. Ab hetym siońnia na pasiadžeńni Prezidyuma Savieta Ministraŭ, dzie razhladaŭsia prajekt zakona ab respublikanskim biudžecie na 2015 hod, zajaviŭ premjer-ministr Biełarusi Michaił Miaśnikovič.
Kiraŭnik urada vyłučyŭ pryjarytety zakonaprajekta. «U pieršuju čarhu, razhladajučy zbałansavanaść biudžetu na 2015 hod, my pavinny razumieć, što nam treba ŭ poŭnym abjomie raźličycca pa ŭsich źniešnich daŭhach. Heta śviatoje. My hetyja srodki brali dla madernizacyi ekanomiki, my pavinny vykonvać usie ŭziatyja na siabie abaviazacielstvy», — padkreśliŭ Michaił Miaśnikovič.
Asablivuju ŭvahu nieabchodna ŭdzialać pytańniam valutnaha bałansu, u pryvatnaści zachavańniu zołatavalutnych reziervaŭ krainy, dadaŭ jon.
Zakranajučy vyrašeńnie metavych zadač sacyjalna-ekanamičnaha raźvićcia, premjer-ministr adznačyŭ: «My pavinny razhladać hetyja pytańni, majučy na ŭvazie nieabchodnaść dalejšaha ŭmacavańnia i nacyjanalnaj biaśpieki, i nacyjanalnaj ekanomiki ŭ cełym praz raźvićcio realnaha siektara, praz pytańni, źviazanyja z dachodami nasielnictva».
Michaił Miaśnikovič źviarnuŭ uvahu, što budučy hod asablivy, tamu što zaviaršajecca piacihodka. U suviazi z hetym urad i Nacbank pavinny ŭziać na siabie asablivyja abaviazacielstvy.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu1
Kamientary