Šanoŭnaja redakcyja «Našaj Nivy»!
Kolki dzien tamu zaŭvažyŭ, što pobač z maim domam u Hatavie niejkaja špana razmalavała fašystoŭskaj svastykaj tumbu dla abviestak. Dzień prajšoŭ, druhi… Idučy na pracu i viartajučysia da domu, zaŭvažaju ŭsie tuju ž dreń. Chadžu j dumaju, nu kali jaje zamalujuć našy kamunalniki. Treci dzień minaje, čaćvierty, tydzień prajšoŭ… Samaje cikavaje, što tumba taja jakraz nasuprać miascovaha Hataŭskaha ŽESa. Tak što kamunalniki, jak i ja, štodnia zaŭvažajuć toje, što i ja, idučy na pracu i viartajučysia dadomu.
Chadžu i sam sabie dumaju: voś kali b na hetaj tumbie namalavali vyjavu Vasila Bykava, ci napisali «Žyvie Biełaruś!», to zacierli by ciaham hadziny. Niaŭžo fašystoŭskaja svastyka stała normaj dla sieńniašniaha biełaruskaha hramadstva?
