Praz maskoŭskaha dystrybjutara Geely Motors pakazaŭ na Maskoŭskim mižnarodnym aŭtasałonie čatyry madeli. Dźvie ź ich vypuściać ŭ Biełarusi ŭ 2015 hodzie.
Upieršyniu ŭ historyi Biełarusi lehkavyja aŭtamabili, zroblenyja na terytoryi krainy, pakazali na aŭtasałonie mižnarodnaha farmatu. Voś tolki ab krainie vytvorčaści bolšaści nie viadoma: vielmi niešmatlikija naviedvalniki vystavy, jakija cikaviacca Geely, daśviedčanyja, što ŭ Biełarusi źbirajuć try madeli. Zrešty, heta daravalna - navat arhanizatary aŭtasałona prapuścili katałoh MMAS z dvuma pamyłkami ŭ słovie Geely (napisana Gelly).
Jak paviedamiŭ ej.by načalnik adździeła prodažaŭ i servisu SZAT «BiełDžy» Alaksiej Kryčmar, jaki pryjechaŭ na vystavu razam z aŭtamabilami made in Belarus, da 7 vieraśnia na stendzie Geely demanstrujucca 4 marki kitajskaha brenda, dźvie ź jakich u roznych varyjantach.
Rasijskija dylery pradstavili Emgrand EC7 i GC6, zborka jakich niadaŭna pačałasia ŭ Rasii.
Daty pačatku zborki hetych madelaŭ u Barysavie nie vyznačanyja. Pakolki z 2016 hoda da ekspłuatacyi buduć dapuskać aŭtamabili standartu nie nižej za Jeŭra-5, možna mierkavać, što ŭ ciapierašni čas na zavodzie ŭ Barysavie idzie padrychtoŭka da źmieny technałahičnaha pracesu.
