Biełaruś uviała zabaronu na ŭvoz śvininy i inšaj pradukcyi z Estonii, paviedamlaje departamient vieterynarnaha i charčovaha nahladu Ministerstva sielskaj haspadarki i charčavańnia Biełarusi.
Pavodle infarmacyi Mižnarodnaha epizaatyčnaha biuro, vypadak zachvorvańnia afrykanskaj čumoj śviniej (AČS) zarehistravany na terytoryi pavieta Vałhamaa Estonii.
Z 10 vieraśnia ŭviedziena zabarona na ŭvoz z Estonii žyvych śviniej, śvininy (u tym liku dzikoŭ) i praduktaŭ jaje pierapracoŭki, harbarnaj, rohakapytnaj i kišačnaj syraviny, ščacińnia, palaŭničych trafiejaŭ, atrymanych ad usprymalnych vidaŭ žyvioł, karmoŭ i karmavych dabavak dla žyvioł raślinnaha i žyviolnaha pachodžańnia, u tym liku z ryby i ptuški, karmavych dabavak dla katoŭ i sabak, a taksama hatovych karmoŭ dla ich, jakija nie prajšli termičnuju apracoŭku i vyrablenyja z syraviny z Estonii.
Abmiežavańnie taksama raspaŭsiudžvajecca na pastaŭki ŭžyvanaha abstalavańnia dla ŭtrymańnia, zarezu i razroblivańnia śviniej.
Departamient pastanaviŭ uzmacnić kantrol dla niedapuščeńnia ŭvozu ŭ ručnoj pakłažy, bahažy i paštovych adpraŭleńniach dla asabistaha karystańnia fizičnymi asobami miasa śviniej, u tym liku dzika, i praduktaŭ jaho pierapracoŭki, a taksama ŭsich praduktaŭ, pieraličanych vyšej.
«Adnačasova nieabchodna pryniać dadatkovyja miery kantrolu pa zabieśpiačeńni bijałahičnaj abarony bujnych śvinahadoŭčych kompleksaŭ, śvinahadoŭčych fierm i haspadarak usich formaŭ ułasnaści», — adznačyli ŭ departamiencie.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary