Supracoŭniki Bresckaj mytni 9 vieraśnia spynili dźvie sproby niezakonnaha ŭvozu aŭtamabilaŭ na terytoryju Mytnaha sajuza.
Jak paviedamili ŭ pres-hrupie mytni, u punkcie mytnaha afarmleńnia «Tamašoŭka» 43-hadovy hramadzianin Małdovy pradjaviŭ mytnuju dekłaracyju i techničny pašpart na mikraaŭtobus «Falksvahien-Transparcior» 1998 hoda vypusku. Pry praviadzieńni apieracyj mytnaha kantrolu ŭstanoŭlena, što rehistracyjnyja znaki na transpartnym srodku i paśviedčańnie ab rehistracyi nie adpaviadajuć identyfikacyjnamu VIN-numaru na kuzavie «Falksvahiena».
Anałahičnaja nieadpaviednaść u dakumientach vyjaŭlena ŭ aŭtamabili «Sieat-Taleda» 1995 hoda vypusku, jaki sprabavaŭ uvieźci 49-hadovy hramadzianin Kazachstana cieraz punkt mytnaha farmleńnia «Varšaŭski most».
Abodva transpartnyja srodki kanfiskavanyja da rašeńnia suda. U dačynieńni da ich haspadaroŭ mytniaj raspačatyja administracyjnyja pracesy.
Zhodna z papiaredniaj acenkaj, ahulny košt aŭtamabilaŭ skłaŭ zvyš 130 młn rubloŭ.
Z pačatku hetaha hoda Bresckaj mytniaj u suviazi z parušeńniem zakanadaŭstva kanfiskavana 155 aŭtamabilaŭ na sumu bolš za 25 młrd rubloŭ.
Kamientary