Druhi pakiet mier u adkaz na sankcyi Zachadu hatovy, ale Rasija raźličvaje, što zdarovy sens pieramoža i jany nie spatrebiacca, zajaviŭ pamočnik prezidenta RF Andrej Biełavusaŭ.
Pavodle jaho słoŭ, druhim pakietam Rasija moža abmiežavać impart aŭtamabilaŭ i niekatorych tavaraŭ lohkaj pramysłovaści.
«U nas jość ceły šerah niesielskahaspadarčych praduktaŭ, dzie našy, pierš za ŭsio jeŭrapiejskija, partniory bolš zaležać ad Rasii, čym Rasija ad ich. Heta tyčycca, naprykład, zavozu aŭtamabilaŭ, pierš za ŭsio patrymanych aŭtamabilaŭ, heta datyčycca niekatorych vidaŭ tavaraŭ lohkaj pramysłovaści, dzie my ŭžo sami možam vyrablać. Nie ŭsich, niekatorych vidaŭ adzieńnia», — skazaŭ Biełavusaŭ ŭ kułuarach Samarskaha ekanamičnaha forumu.
Jon adznačyŭ, što havorka idzie pra abmiežavańnie impartu šerahu tavaraŭ.
Pry hetym Biełavusaŭ zaznačyŭ, što adkaz RF na sankcyi pavinien być takim, kab nie naškodzić, a padtrymać ajčynnych vytvorcaŭ i spažyŭcoŭ.
«Ciapier Minekanamraźvićcia ŭžo padrychtavała, nakolki ja viedaju, pieralik hetych tavaraŭ. Ale ja spadziajusia, što zdarovy sens pieramoža i my nie budziem vymušanyja ŭvodzić hetyja miery ŭ adkaz», — dadaŭ pamočnik prezidenta RF.
