Padčas kanfliktu va Ukrainie bolš za 25 tysiač hramadzian hetaj krainy prajšli adpaviednuju praceduru rehistracyi ŭ Biełarusi. Pra heta ŭ efiry prahramy «Kontury» telekanała ANT ŭviečary 14 vieraśnia paviedamiŭ načalnik departamienta pa hramadzianstvie i mihracyi biełaruskaha MUS Alaksiej Biahun.
Pavodle jaho infarmacyi, 10 tysiač hramadzian Ukrainy atrymali dazvoł na prava zajmacca pracoŭnaj dziejnaściu ŭ Biełarusi, častka ź ich źviarnulisia ŭ orhany pa pradastaŭleńnie statusu biežanca.
Pavodle infarmacyi staršyni kamiteta pa pracy, zaniatasci i sacyjalnaj abaronie Homielskaha abłvykankama Piatra Savickaha, orhanami mihracyi ŭ rehijonie zarehistravanyja 7.100 hramadzian Ukrainy, u tym liku bolš za 3 tysiačy z Danieckaj i Łuhanskaj abłaściej. 253 siamji ŭžo atrymali žyllo.
U Viciebskaj vobłaści zarehistravalisia ŭžo bolš za 2 tysiačy biežancaŭ z paŭdniovaha uschodu Ukrainy. 400 čałaviek atrymali śpiecyjalny dazvoł na pracu, pryčym zhadžajucca na lubyja prapanovy, paviedamlaje ANT.
