U kancy žniŭnia šmatlikija kiroŭcy na Baŭskaj šašy zaŭvažyli kartež śpikiera Siejma Sołvity Abołtyni i jaje achovy, jaki ruchaŭsia vielizarnaj chutkaściu, piša Diena.
Jak iranizuje hazieta, Abołtynia, mahčyma, śpiašałasia na ŭračystuju cyrymoniju na łatvijska-litoŭskaj miažy, u jakoj udzielničali śpikiery parłamientaŭ krain Bałtyi.
Pa słovach vidavočcaŭ, mašyna jechała z chutkaściu jak minimum 150 km/h. Ryžanka Jeva raspaviała, što 23 žniŭnia jana jechała pa šašy Ryha — Baŭska na chutkaści kala 100 km/h. Niečakana jaje na šalonaj chutkaści abahnali Mercedes Benz i pazadarožnik Audi Q7.
Kala Jecavy kartež abahnaŭ inšaha kiroŭcu, jaki taksama pavialičyŭ chutkaść. Jaho pasažyr zaśniaŭ «pahoniu» na mabilny telefon. Miarkujučy pa zapisie, mužčyna zmoh skaracić adryŭ ad karteža Abołtyni, razahnaŭšysia da 150 kiłamietraŭ.
«Jechali prosta pa-varjacku, jak na kaniec śvietu. U pačatku 1990-ch tak ruskija bandyty jeździli.
Brutalna ŭsich adciskali. Adnaho niebaraku ledź nie źnieśli. Kali nablizilisia da Baŭski, skinuli da sotni, kali zajechali [u horad]. A palicyja, jakaja stajała na abočynie ich nie spyniła (i mianie taksama). Zrabili vyhlad, što nie zaŭvažajuć, choć pieravyšeńnie było vielizarnaje», — zajaviŭ aŭtar zdymki.
Diena zajaŭlaje, što Palicyja biaśpieki raźbiracca ź situacyjaj nie maje namieru, zajaŭlajučy, što padobnych faktaŭ u ich niama.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii10
Kamientary