Upraŭleńniem Śledčaha kamiteta Respubliki Biełaruś pa Bresckaj vobłaści pravodzicca pravierka pa fakcie atručvańnia kurycielnymi sumiesiami čatyroch studentaŭ Bresckaha dziaržaŭnaha univiersiteta imia Puškina, paviedamlaje sajt Śledčaha kamiteta.
U chodzie pravierki ŭstanoŭlena, što 15 vieraśnia junaki va ŭzroście ad 18 da 21 hoda, znachodziačysia ŭ adnym ź internataŭ VNU, kuryli sumieś (asnoŭnaja viersija – spajs), paśla čaho ŭ nieśviadomym stanie byli znojdzienymi inšymi studentami, jakija vyklikali chutkuju.
Studenty z prykmietami atručvańnia byli dastaŭleny ŭ reanimacyjnaje adździaleńnie Bresckaj haradskoj balnicy chutkaj miedycynskaj dapamohi, dzie im była akazana kvalifikavanaja dapamoha miedycynskimi rabotnikami.
Zaraz žyćciu studentaŭ ničoha nie pahražaje.
Śledstvam vyśviatlajucca abstaviny zdareńnia. Apytvajucca svajaki studentaŭ, ich znajomyja, miedpiersanał balnicy, rabotniki internata. Kanfiskavanyja miedycynskija dakumienty. Pryznačana sudova-bijałahičnaja ekśpiertyza, jakaja vyśvietlić dakładny vyhlad psichatropnaha rečyva, užytaha studentami.
Śledčy kamitet źviartajecca da baćkoŭ z prośbaj ab nieabchodnaści praviadzieńnia hutarak ź dziećmi i padletkami ŭ siemjach, źviartaje ŭvahu na realnuju pahrozu žyćcia čałavieka pry spažyvańni zabaronienych rečyvaŭ i kryminalnuju adkaznaść za ich abarot.
Kamientary