U pałonie bajevikoŭ na Danbasie znachodzicca siem ukrainskich žurnalistaŭ
Pra heta havorycca ŭ sumiesnaj zajavie Niezaležnaha miedyja i Sajuza žurnalistaŭ.
«Našy kalehi Juryj Lalaŭski, Raman Čeramski, Valeryj Makiejeŭ, Jahor Varabjoŭ, Dźmitryj Paciechin, Alaksandr Biełakabylski i Siarhiej Sakadynski patrapili ŭ pałon da pradstaŭnikoŭ «DNR» i «ŁNR». Los niekatorych ź ich uvohule zastajecca nieviadomy», — havorycca ŭ zajavie.
Miedyjnyja arhanizacyi źviartajuć uvahu, što žurnalisty patrapili ŭ zakładniki da terarystaŭ, vykonvajučy svoj prafiesijny abaviazak, i patrabujuć ad dziaržavy vyzvalić pałonnych kalehaŭ.
NSŽU i NMPU taksama zajaŭlajuć, što situacyja z parušeńniami pravoŭ žurnalistaŭ na zachoplenych bajevikami terytoryjach źjaŭlajecca krytyčnaj.
«Zaklikajem mižnarodnyja arhanizacyi źviarnuć uvahu na sistemnuju pieraškodu prafiesijnaj dziejnaści i pastajanny cisk adnosna našych kalehaŭ. Za apošnija miesiacy zafiksavanyja sotni faktaŭ parušeńnia pravoŭ žurnalistaŭ — pahrozy, źbićcio, ździeki, pazbaŭleńnie voli», — havorycca ŭ zajavie.
NSŽU i NMPU zaklikajuć Centr vyzvaleńnia pałonnych, Administracyju prezidenta, MUS i SBU prykłaści maksimum namahańniaŭ dla vyśviatleńnia losu kaleh i vyzvaleńnia ich z pałonu.
Jak viadoma, žurnalist kanała ZIK Juryj Lalaŭski trapiŭ u pałon na Łuhanščynie, kudy pajechaŭ sa śviatarami aśviatlać ich misijanierskuju dziejnaść 23 lipienia.
Palityčny analityk, dyrektar Hrupy jeŭrapiejskaj stratehii i błohier «Ukrainskaj praŭdy» Dźmitryj Paciechin trapiŭ u pałon «DNR» 7 žniŭnia.
Žurnalisty Raman Čeramski z Charkava (časopis «Ukrainskaja prastora») i Valeryj Makiejeŭ utrymlivalisia ŭ turmie ŭ horadzie Rovieńki (Łuhanskaja vobłaść).
Žurnalist «Espresa TB» Jahor Varabjoŭ trapiŭ u akružeńnie pad Iłavajskam i, pa infarmacyi žonki, znachodzicca ŭ pałonie ŭ rasijskich vajskoŭcaŭ, jakija ličać jaho dyviersantam.
Łuhanski žurnalist Alaksandr Biełakabylski, jaki raniej vyjechaŭ u Charkaŭ, pavioz u Łuhansk svajakam pradukty, hrošy i leki i źnik.
Hałoŭny redaktar łuhanskaha internet-vydańnia»Palityka 2.0» Siarhiej Sakadynski paśla napadu bajevikoŭ na redakcyju nie vychodzić na suviaź z 28 lipienia.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
Kamientary