Na praciahu apošnich 23 hadoŭ Jeŭrasajuz havaryŭ z Rasijaj «łaskava» i sprabavaŭ naładzić supracoŭnictva. Ale heta była pamyłka.
Pra heta ŭ intervju Frankfurter Allgemeine skazaŭ premjer-ministr Finlandyi Alaksandr Stub. Pavodle jaho słoŭ, ES mieŭ iluziju, što Kreml možna intehravać z Zachadam.
«My na Zachadzie zabylisia, što rasiejcy nie schilnyja prymać praviły. Jany chočuć ich naviazvać sami. My zachacieli dać im zachodniuju madel, ale heta nie spracavała. Ciapier Zachadu treba heta pryznać i pierahledzieć svajo staŭleńnie da Rasii», — skazaŭ Stub.
Jon dadaŭ, što pazbavicca ad iluzii ab supracoŭnictvie z Rasijaj treba było jašče ŭ 2008 hodzie padčas vajny ŭ Paŭdniovaj Asiecii, kali rasiejskaja armija ŭvarvałasia na terytoryju Hruzii. Finski premjer dadaŭ, što nie treba być vajennym ekśpiertam, kab zrazumieć vidavočnaść prysutnaści rasijskich sałdat na Uschodzie Ukrainy siońnia.
Premjer-ministr Finlandyi dadaŭ, što jaho kraina padtrymlivaje žorstkija sankcyi suprać Rasii i hatovaja achviaravać ekanamičnym supracoŭnictvam ź joj.
«U nas 1300 kiłamietraŭ ahulnaj miažy. Rasija źjaŭlajecca dla nas adnym z asnoŭnych handlovych partnioraŭ razam z Hiermanijaj i Šviecyjaj. Ale našy pryncypy nie pradajucca. My vybrali kamandu ŭ 1995 hodzie — ES», — skazaŭ jon.
