1 kastryčnika ŭ Miensku milicyja zatrymała Paŭła Śpiryna. Pa infarmacyi vydańnia «Biełaruski partyzan», 30-hadovy biespracoŭny razasłaŭ na 1500 elektronnych adrasoŭ rabotnikaŭ Mienskaha harvykankamu tekst satyryčnaj apovieści pra kiraŭnika horadu — Mikałaja Ładućku.
Hramadzianskaja žonka zatrymanaha Iryna paviedamiła Radyjo Svaboda, čto ničoha nia viedaje pra satyryčnuju apovieść.
Pavodle Iryny, pieršy raz milicyjanty pryjšli pa Paŭła pozna ŭnačy, ale im nie adčynili. Tady milicyjanty viarnulisia ranicaj nastupnaha dnia. Biez tłumačeńniaŭ zabrali Paŭła z saboj.
«Nijakaha hvałtu ŭ dačynieńni da majho muža nie ŭžyvałasia. Jon adčyniŭ dźviery, i milicyjanty skazali iści ź imi. Ja była ŭ inšym pakoi. Sabraŭsia i pajšoŭ», — kaža Iryna.
Žančyna zvaniła ŭ turmu na Akreścina, dzie daviedałasia, što muž tam adbyvaje aryšt na 15 sutak.
«Pryčynu nazyvać admovilisia. Skazali, što jon skaža mnie sam. Dzie i kali heta adbudziecca, ja nia viedaju. Zrazumieła, što źviazacca ź im u mianie niama mahčymaści», — kaža žančyna.
U pravaabarončym centry «Viasna» ličać, što Paŭła Śpiryna abvinavačvajuć pakul u chulihanstvie, ale za tyja 15 sutak, što jon prasiedzić u izalatary, śledčyja pasprabujuć pradjavić jamu novaje abvinavačańnie — «abraza honaru i hodnaści» vysokapastaŭlenaha čynoŭnika — Mikałaja Ładućki.
«Ja dumała, što 15 sutak — i ŭsio. A tut usie telefanujuć i zapytvajuć pra apovieść, za jakuju moža pahražać niešta bolš surjoznaje. Užo pačynaju nervavacca».
Nakont satyryčnaj apovieści pra Mikałaja Ładućku Iryna ničoha nia viedaje:
«Ja tolki zaraz pra heta daviedvajusia ad žurnalistaŭ i jurystaŭ. Muž mnie ničoha pra jaje nie kazaŭ. Muž pavodle adukacyi juryst, i ničoha žachlivaha jon nia moh zrabić. Paśla aryštu ŭ jaho była mahčymaść pazvanić mnie. Jon skazaŭ, što ničoha strašnaha nie zrabiŭ, što mohuć dać tolki 15 sutak».
Paŭłu Śpirynu 30 hadoŭ. Ź Irynaj jon žyvie ŭ hramadzianskim šlubie. U pary jość dzicia — 3-hadovy chłopčyk.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»17
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2626
Kamientary