Figaro
Były prezident Haici Žan Kłod Dziuvalje (mianuška «Bebi Dok») pamior na 64-m hodzie žyćcia ad sardečnaha prystupu ŭ stalicy krainy Port-o-Prensie.
Pra śmierć byłoha lidara krainy paviedamiŭ ministr achovy zdaroŭja Haici Rejnold Žorž.
Dziuvalje ŭ 19 hadoŭ staŭ samym maładym prezidentam u śviecie. Jon byŭ va ŭładzie ŭ Haici z krasavika 1971-ha pa luty 1986 hoda.
U 1986 hodzie ŭ krainie pačalisia masavyja antyŭradavyja pratesty, z-za čaho Dziuvalje daviałosia admovicca ad ułady i biehčy za miažu.
Paźniej pravaabarončyja arhanizacyi zajaŭlali, što za hady praŭleńnia Dziuvalje i jaho baćki Fransua (Tata Doka) Dziuvalje na Haici byli zabityja tysiačy ludziej «tanton-makutami» — asabistaj prezidenckaj hvardyjaj, lidary jakoj byli žracami kultu vudu. Achviarami teroru stali 60 tysiač čałaviek.
Taksama Dziuvalje byŭ abvinavačany ŭ karupcyjnych złačynstvach, represijach i parušeńniach pravoŭ čałavieka.
Jon viarnuŭsia z Francyi na radzimu ŭ 2011 hodzie paśla razburalnaha ziemlatrusu ŭ studzieni 2010 hoda. Paśla viartańnia na radzimu Dziuvalje byŭ zatrymany ŭ hateli Port-o-Prensa haicianskaj palicyjaj i dastaŭleny ŭ sud dla dopytu, paśla čaho jamu pradjavili abvinavačvańni ŭ karupcyi i niezakonnym prysvajeńni hrašovych srodkaŭ.
Hladzi taksama: Jość krainy, nad jakimi niby navis praklon. Siarod takich — Haici
