Pradstaŭnica kampanii Adidas Volha raskazała ab novaj formie nacyjanalnaj zbornaj Biełarusi.
«Chłopcy pradstaŭlajuć Biełuju Ruś, tamu vyrašyli abrać asnoŭnym koleram bieły. Zrešty, na futbołcy jość ustaŭki čyrvonaha i zialonaha koleraŭ – takim čynam my pradstavili ŭsio koleravuju hamu biełaruskaha ściaha.
Pamianiałasia i sistema napisańnia proźviščaŭ futbalistaŭ – ciapier na śpinach buduć biełaruskamoŭnyja varyjanty pierakładu (Kalachou, Bardachou). Asobna varta ŭzhadać i śpiecyjalnuju sistemu termaizalacyi, jakaja robić formu maksimalna zručnaj dla futbalistaŭ».
Nahadajem, što 9 i 12 kastryčnika zbornaja Biełarusi pa futbole praviadzie dva adboračnych matča da Čempijanatu Jeŭropy. Supierniki – Ukraina i Słavakija. Matčy adbuducca na «Barysaŭ-Arenie». Pačatak a 21:45.