Fiederalnaja słužba dziaržaŭnaj statystyki Rasii ŭpieršyniu ŭklučyła ŭ svaje spravazdačy dadzienyja pra Krym. Akupavanaja terytoryja była dałučanaja da Rasii ŭ pačatku 2014 hoda.
Pavodle padlikaŭ, siaredni zarobak u Krymie ŭ žniŭni 2014 hoda skłaŭ 15 187 rasijskich rubloŭ. Heta kala $421 u ekvivalencie.
Ciapier źvierniemsia da ŭkrainskaj statystyki. U žniŭni 2013 hoda zarobak na paŭvostravie składaŭ 2934 hryŭni. Pa tahačasnym kursie heta $367.
Takim čynam, rost zarobkaŭ paśla akupacyi Kryma Rasijaj skłaŭ 14,7%.
Rasijskaja statystyka pravodzić i inšyja ličbavyja źmieny. Naprykład, u žniŭni 2014 hoda hruzaabarot skłaŭ 34% ad letašnich pakazčykaŭ, pasažyraabarot hramadskaha transparta — 50%, abjom roźničnaha handlu — 72%. U hetym ža miesiacy kolkaść stratnych arhanizacyj dasiahnuła 62%, i heta ŭ kurortny siezon.
Što vyrasła, dyk heta ceny. Hadavaja inflacyja ŭ žniŭni dasiahnuła 24,1%.