Łaŭreatam Bukieraŭskaj premii za 2014 staŭ aŭstralijski piśmieńnik Ryčard Fłenahan za raman «Vuzkaja daroha na daloki poŭnač».
«Heta bliskučaja historyja pra kachańnie, a taksama ab čałaviečych pakutach i tavaryskich adnosinach», — zajaviŭ na cyrymonii ŭznaharodžańnia ŭ Łondanie staršynia žury, fiłosaf Entani Hrejlinh.
Pa słovach prafiesara Hrejlinha, paśla trochhadzinnych debataŭ pa rašeńnie ŭ prysudžeńni premii Fłenahanu prahałasavała bolšaść členaŭ žury.
Dziejańnie ramana Fłenahana adbyvajecca ŭ hady Druhoj suśvietnaj vajny, padčas prakładki tajskaja-birmanskaj čyhunki pamiž Banhkokam i Ranhunam, jakuju prazvali Daroha śmierci.
Baćka piśmieńnika, jaki dažyła da 98 hadoŭ i pamior u toj dzień, kali Fłenahan skončyŭ rukapis, u hady vajny znachodziŭsia ŭ japonskim pałonie i prymaŭ udzieł u budaŭnictvie Darohi śmierci.
53-hadovy Fłenahan atrymaŭ uznaharodu z ruk žonki prynca Čarlza, hiercahini Karnuolskaj Kamiły.
Bukieraŭskaja premija — adna z samych prestyžnych premij u śviecie litaratury, napisanaj pieravažna na prastorach byłoj Brytanskaj impieryi (Sadružnaści nacyj). Prysudžajecca ad 1969 h.
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ8
Kamientary