Prezident Ukrainy Piatro Parašenka zajaviŭ, što na pieramovach u «narmandskim» farmacie ŭ Miłanie ŭzhodnienyja bazavyja paramietry hazavych damoŭlenaściaŭ.
«My damovilisia pra bazavyja paramietry hazavaha kantraktu», — skazaŭ jon žurnalistam. Pavodle jaho słoŭ, ukrainski bok zajmajecca pošukam krynic finansavańnia.
Na papiarednich trochbakovych ministerskich pieramovach 26 vieraśnia Rasija, Ukraina i ES abmierkavali «zimovy płan», raźličany na pieryjad da kanca sakavika. Jon praduhledžvaŭ, što Kijeŭ u hetym hodzie pahasić $3,1 młrd doŭhu za rasijski haz, a «Hazprom» pastavić Ukrainie za 5 młrd kubamietraŭ hazu pry pieradapłacie pa canie $385 za tysiaču kubamietraŭ. Pry hetym Rasija nastojvała na tym, kab $ 2 młrd doŭhu było kampiensavana ŭžo da pačatku pastavak.
Paźniej Rasija źniziła patrabavańnie pa pieršym tranšy ŭ košt doŭhu za haz da $1,451 młrd (astatniaje z $3,1 młrd — da Novaha hoda), a Ukraina zajaviła, što pierazimuje i z 4 młrd kubamietraŭ dadatkovaha rasiejskaha hazu. Akramia taho, Kijeŭ choča pačać pahašać doŭh tolki paśla adnaŭleńnia pastavak hazu i raściahnuć vypłatu $3,1 młrd pa sakavik uklučna.
