U Krasnadary aktyvista ruchu «Salidarnaść» Viktara Čyrykava ŭdaryli nažom za antypucinski stykier na aŭtamabili.
Viktar Čyrykaŭ atrymaŭ rezanuju ranu dałoni i rany noh paśla sutyčki ź nieviadomymi ludźmi.
«Ja spyniŭsia ŭ tym miescy, dzie časta spyniajusia pa pracy. Zzadu pryparkavałasia siniaja «dziaviatka». Padyšli dva čałavieki, adzin z boku siadzieńnia kiroŭcy, inšy z procilehłaha boku. Spačatku pradjavili pretenzii matam, što ja darma napisaŭ «Pucin sychodź» na zadnim škle. Ja im adkazaŭ, što maju poŭnaje prava tak napisać», — raspavioŭ jon.
Paśla hetaha adzin ź nieviadomych pasprabavaŭ udaryć Čyrykava nažom praz akno mašyny. Jon paśpieŭ vystavić dałoń i atrymaŭ udar nažom u jaje. Paśla čaho Čyrykaŭ vyskačyŭ z mašyny i pavaliŭ adnaho z napadnikaŭ. Z-za hetaha nieviadomyja adstupili da svajoj mašyny.
