Prysud vyniesła sudździa sudu Leninskaha rajonu Miensku Julija Šumskaja. Milicyjanty na sudzie zajavili, čto aktyvist nibyta niecenzurna łajaŭsia na adras milicyjantaŭ u ofisie Biełaruskaha kanhresa demakratyčnych prafsajuzaŭ 6 śniežnia.
Nahadajem, 6 śniežnia jon znachodziŭsia ŭ ofisie Biełaruskaha kanhresu demakratyčnych prafsajuzaŭ. Napiaredadni siudy pryvieźli ŭlotki, jakija zaklikali pradprymalnikaŭ pryjści 10 śniežnia na mitynh. Raptam u ofis uvarvalisia supracoŭniki milicyi: ulotki kanfiskavali, prysutnych pavieźli ŭ Leninski rajadździeł milicyi nibyta dziela vyśviatleńnia asobaŭ.
Pavodle Mikoły Sierhijenki, u rajadździele milicyi na jaho i lidera prafsajuzu pradprymalnikaŭ Alaksandra Makajeva skłali pratakoły: nibyta jany brydkasłovili na adras milicyjantaŭ.
«Adie ž heta nieprychavanaja chłuśnia», — zajaviŭ Mikoła Sierhijenka.
Sud nad Alaksandram Makajevym nie adbyŭsia z pryčyny taho, što pradprymalnik adbyvaje zaraz pakarańnie 7 sutkami aryštu pavodle standartnaha abvinavačańnia ŭ byccam by «brydkasłoŭi». Jon byŭ zatrymany 10 śniežnia ranicaj, pierad tym, jak pačaŭsia mitynh pradprymalnikaŭ, adnym z zajaŭnikoŭ jakoha jon byŭ.
Siońnia Alaksandr Makajeŭ musić vyjści na svabodu.