Ahladalnica hazety «Biełorusy i rynok» Taciana Manionak paviedamiła sensacyjnyja akaličnaści hazavaj damovy z Rasiejaj.
Taciana Manionak: «Pavodle damovy, u pieršym kvartale 2008-ha cana hazu dla Biełarusi nia musiła padvyšacca bolš čym na 19 pracentaŭ. Heta i zdaryłasia. Tamu pra niejkija padarunki dla Biełarusi kazać nielha. A ŭ astatni peryjad padvyšeńnie dla Biełarusi budzie pavodle eŭrapiejskaj cany. I heta budzie adpaviadać 67 pracentam, jak i praduhledžana ŭ damovie. Toje, što ŭ pieršym kvartale košt budzie takim, pra heta nia viedaŭ nichto z žurnalistaŭ. Ale pra heta viedaŭ vice-premjer Uładzimier Siamaška, tamu jon tak upeŭniena i kazaŭ pra 119 dalaraŭ. Ja sama pra heta daviedałasia z peŭnaj krynicy va ŭradzie tolki siońnia. Biełaruski bok mocna nie zadavoleny vynikami pieramovaŭ, bo jany viali razmovu, kab dabicca pierahladu samoj formuły, bo pryviazka da eŭrapiejskaj cany vielmi nie zadavalniaje Miensk».
