U miežach XXI Minskaha mižnarodnaha fiestyvalu «Listapad» u kinateatry «Centralny» buduć prachodzić načnyja kinapakazy, paviedamiŭ na pres-kanfierencyi 29 kastryčnika kinakrytyk, dyrektar prahramy ihravoha «Listapada» Ihar Sukmanaŭ.
Nočču 7, 8 i 14 listapada ŭ kinateatry buduć iści kinamarafony «Paŭnočnyja pačućci». «Hetyja karciny prademanstrujuć uvieś dyjapazon žanravaha kino. Tut buduć i art-błakbastary, karciny, jakija majuć vydatnuju fiestyvalnuju i prakatnuju reputacyju», — adznačyŭ Sukmanaŭ.
U pryvatnaści, hledačy zmohuć ubačyć svabodnuju interpretacyju apovieści Fiodara Dastajeŭskaha «Dvajnik» u adnajmiennaj anhlijskaj karcinie. Taksama na ekranie budzie pradstaŭlena stužka «Tearema ziero», film «Durnaja sprava niachitraja», jaki Sukmanaŭ nazvaŭ «lohkim pryvitańniem bratam Koenam», i adzin z hałoŭnych chitoŭ abmiežavanaha prakatu — karcina «Hałhofa» irłandskaha režysiora Džona Majkła Makdona.
U tradycyjnych pakazach na fiestyvali buduć pradstaŭleny karciny i dla šyrokaha hledača, i bolš intelektualnyja stužki. «Dla taho kab pradstavić hetu panaramu suśvietnaj kiniematahrafii i pakazać, što nad fiestyvalem pracujuć nie tolki na aŭdytoryju akademičnuju, my i farmiravali takuju raznapłanavuju prahramu», — raskazaŭ Sukmanaŭ.
Jon adznačyŭ, što mižnarodnaja akredytacyja FIAPF dazvoliła «Listapadu» atrymać nie tolki status mižnarodnaha, ale i stać u šerah ź inšymi fiestyvalami śvietu. «My zrabili akcent na tych terytoryjach, jakija raniej zvalisia sacyjalistyčnymi, na tym, z čym my žyli 20 hadoŭ tamu, a zaraz hetyja terytoryi dla nas mieniej viadomyja, čym toj ža Halivud», — padkreśliŭ jon.
Pavodle słoŭ Sukmanava, sioleta asabliva cikavyja karciny pradstaŭleny z Hruzii i krain Prybałtyki.
-
Sieryjał «Pluribus» — samy niapravilny postapakalipsis ci niešta bolšaje? Raskazvajem pra śmieły myślenčy ekśpierymient na TB
-
U Biełaruś zavieźli «Čaburašku 2». Pahladzieli hety rasijski chit, kab vam nie pryjšłosia
-
Netflix raskazaŭ pra nievierahodny pośpiech sieryjała «Vielmi dziŭnyja spravy». Sieryjał upłyvaje na ŭsie śfiery žyćcia
U Łahojsku piekar admaŭlajecca pradavać svoj chleb pakupnikam, u jakich jość sabaki82
Kamientary