35 hod tamu paśla niekalkich hod raspracoŭki tank Merkava I — pieršy tank izrailskaj vytvorčaści — pastupiŭ na ŭzbrajeńnie bajavych častak Sił abarony Izraila. Z tych časoŭ mašyna niekalki razoŭ madernizavałasia i zastajecca hałoŭnaj siłaj izrailskich naziemnych vojskaŭ.
Pieršaj vajnoj z udziełam Merkava stała vajna ŭ Livanie ŭ 1982 hodzie, dzie izrailskija tanki pakazali svaju pieravahu nad savieckimi T-72, jakija byli na ŭzbrajeńni Siryi, piša aficyjny błoh armii Izraila.
Ciapier na ŭzbrajeńni stajać tanki Merkava IV, jakija pastupili ŭ vojski ŭ 2004 hodzie. Jany zdolnyja źbivać viertaloty, majuć kampjutarnyja sistemy taktyčnaha kiravańnia bojem i padvyšanuju prachodnaść, niehladziačy na 65 ton vahi.
Mocny ruchavik daje mahčymaść pry vialikim unutranym abjemie, što padvyšaje zručnaść vykarystańnia tanku, dobra abaranić branioj tankistaŭ i miechanizmy. Hałoŭnymi rysami Merkava stali vysoki ŭzrovień vyžyvalnaści, mahčymaść chutkaha ramontu.
Ciapier tank uzbrojeny 120-mm puškaj, 2 kulamiotami kalibra 7,62 mm, 60-mm hranatamiotam.
Ruchavik tanka ŭ adroźnieńnie ad kłasičnaj kampanoŭki znachodzicca pierad viežaj, takim čynam tankisty dadatkova abaronienyja ad abstrełu ź piaredniaj prajekcyi. Heta taksama daje ekipažu mahčymaść pakidać tank praź luk u karmie, karystajučysia mašynaj.
Heta ž daje mahčymaść brać na bort akramia 4 tankistaŭ jašče 6 čałaviek, naprykład, paranienych i miedykaŭ ci aficeraŭ i śviazistaŭ. Takim čynam tank pieraŭtvarajecca va ŭniviersalnuju bajavuju mašynu, jakaja moža vykonvać u zaležnaści ad bajavoj situacyi roli tanku, BTR ci BMP.
Na sučasnyja tanki ŭstalavanaja sistema aktyŭnaj abarony Trophy (inšaja nazva — Meil Ruach), jakaja, vykarystoŭvajučy radar, aŭtamatyčna vystrelvaje karciečču nasustrač supraćtankavym rakietam i źniščaje ich.
U lipieni hetaha hoda sistema Trophy, naprykład, paśpiachova pierachapiła supraćtankavuju rakietu z STRK «Karniet» rasiejskaj vytvorčaści ŭ Hazie.
«Tut tank dla ekipaža, a nie ekipaž dla tanka», — adznačyŭ kamandzir źviazu 401 tankavaj bryhady Izraila Džef Bien Ary.
Na bazie mašyny raspracavanaja i vykarystoŭvajecca ciažkaja bajavaja mašyna piachoty Namer, uzrovień braniravańnia jakoj adpaviadaje tankavamu.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary